靓靓包

以前一直唔相信處女座會好似所有星座書上講嘅甘專一、忠誠，
捻唔到而家我竟然會用自身行動黎證明咗呢D話。
其實我中意距嘅乜野，連自己都講唔清楚。
其實我等嘅系乜野，我自己都唔明白。
無數次不由自主甘去想距，無法控制到連自己都覺得煩。
因為距嘅一句話而開心，又因為距無回覆覺得好down。
抱住毫無希望甘去等待，又怕講錯一句說話破壞咗大家嘅關係。
其實我等嘅不過系自己想象中嘅距。
其實我等嘅不過系距嘅一句拒絕。

阿G.E.M.首睡公主好似就系度唱梗我自己。原本以为时间可以冲淡一切，但系当我以为自己放低咗，可以坦荡去面对嘅时候，先知道原来我太高估自己。明明说服咗自己唔好乱捻嘢，快快脆脆清醒过黎，但系只要见到某人，所有嘅承诺都白费晒。曾经同自己讲过，迷恋系最蠢 最无结果，而且连点解会迷恋上都唔明白，点解总系放唔低呢？只系见到距笑，只系见到距一个动作就变得好开心，然后冷静咗之后又觉得咁样嘅自己好无用。明明知道无结果，睡公主点解仲要去期待呢？好希望自己快D醒过黎，好希望开始返工之后可以用忙碌黎扫平一切。

今年国庆跑咗去芳村某楼顶睇烟花。4部船就系面前嘅江面上，近得差D连船上面有咩都睇得到。等到8点半，第一朵花就系面前绽开了。虽然无音乐，虽然无各个角度咁睇，烟花都一样好靓，靓到令人陶醉，靓到令人忘却距嘅一瞬即逝。每一轮打上去都好激动人心，听住烟花爆开时嘅“嘣嘣”声，真系忍唔住想伸手去触碰。烟花虽然靓，但系成日都有D邋遢嘢飞落黎搞到我地从头到脚都系，一放完就死咁拨头发擦面，真系美中不足~

9号下午到11号下午，我做咗2日半临工，从我地组跑到咗添加剂组。自10月又一次碰实验仪器。今次玩得最多嘅就系三聚氰胺嘅前处理。其实真系做边行就精边行，我真系连好多基本嘅嘢都唔记得了，跟住觉得个个都好专业喔，真系好犀利~~不过从6楼爬翻上10楼罗嘢嘅时候，发现平时行嘅果段路嘅感觉都唔一样咗。唔知点解好怀念我地室。系做临工嘅时候发现咗一直都认识嘅人系工作嘅时候都有唔同嘅一面，大家都好趣致好pro啊！！虽然返归嘅时候有D不舍，但系始终都系自己熟悉嘅环境好。好挂住我地组嘅人啊！多谢添加剂组嘅同事对我嘅照顾，特别系某叔叔相人同小颜老师（小颜老师好pro好有耐心啊，お世話になりました。）~~

系津橋報嘅日語課終於系8月16號開始了。雖然之前已經有熱心人警告過唔好對D課室（尤其系廁所）抱有任何期待，但系入去嘅時候仲系受咗小小打擊。。。太殘舊了吧如同某熱心人所講，個課室真系唔夠廣大嘅宿舍大~不過對於小班教育黎講還好啦。老師系個（我認為）外形好似典型嘅日本男性嘅人，矮矮肥肥，好有趣。最中意聽距講D同課本無關嘅關於日本嘅嘢不過老師勁中意上課要人讀書，好有上課feel呀~而且最意想不到嘅系：老師都睇日劇，仲要系「My Boss My Hero」同「Last friend」呢D劇喔（而且聽聞老師最中意睇綜藝節目......）不過今日最驚爆，老師竟然提到咗旦那石田彰（虽然净系记得「いしだ」） 仲識咗2個勁有趣嘅同學：羅さん同曾さん~下個星期開始有得上口語課了，好期待傳說中嘅外教系咩樣呢順便多謝一下貌似有認真督促我睇書嘅聲叔叔